023 986 245 |078 272 785

ភាសា :

សេវាកម្មរបស់ក្រុមមេធាវីកម្ពុជាសហប្រតិបត្តិការអន្តរជាតិ

ការងារស្នូលរបស់ ក្រុមមេធាវីកម្ពុជាសហប្រតិបត្តិការអន្តរជាតិ គឺផ្តល់សេវាច្បាប់ប្រកបដោយគុណភាព រួមជាមួយសេវាពាក់ព័ន្ធមួយចំនួនទៀត លាតសន្ធឹងគ្រប់រាជធានី-ខេត្ត នៃព្រះរាជាណាចក្រកម្ពុជា ។ សេវាទាំងនោះរួមមាន៖

សេវាកម្មច្បាប់៖

ផ្តល់ការប្រឹក្សាយោបល់ផ្នែកច្បាប់ទូទៅ

  • ណែនាំ និងបង្ហាញអំពីប្រភេទ និងទម្រង់នៃបញ្ហា ឬ វិវាទដែលអតិថិជនកំពុងជួបប្រទះ ។
  • វិភាគ និងឆ្លុះបញ្ចាំងអំពីឬសគល់នៃបញ្ហា ឬ វិវាទដែលកើតមានចំពោះអតិថិជន ។
  • វិភាគផ្នែកច្បាប់ និងឆ្លុះបញ្ចាំងលើបញ្ហា ឬ វិវាទ ដើម្បីកំណត់ចំនុចវិជ្ជមាន និងអវិជ្ជមាននៃ ទីតាំងរបស់អតិថិជនលើចំនុចវិវាទ ។
  • បង្ហាញ និងតម្រង់ទិសដល់អតិថិជន ស្តីពីអទិភាពក្នុងការដោះស្រាយបញ្ហា តាមរយៈយន្តការនៃការដោះស្រាយទំនាស់ក្រៅប្រព័ន្ធ ឬ តាមរយៈយន្តការសាលាជម្រះក្តី ។
  • ប្រឹក្សាយោបល់ និងតម្រង់ទិសក្នុងការរៀបចំបណ្តាំមរតក ។

 

ចូលរួមក្នុងការដោះស្រាយទំនាស់ក្រៅប្រព័ន្ធតុលាការ

  •  តំណាងអោយភាគី ចូលរួមក្នុងដំណើរការផ្សះផ្សា ចរចា សម្រុះសម្រួល លើគ្រប់វិវាទរដ្ឋប្បវេណី ការងារ ពាណិជ្ជកម្ម ។ល។ និង ។ល។
  •  បំពេញតួនាទីជាមជ្ឈត្តករ រៀបចំដំណើរការមជ្ឈត្តកម្មលើវិវាទរដ្ឋប្បវេណី និងពាណិជ្ជកម្ម ក្នុងករណីមានការស្នើសុំ និងតែងតាំងដោយគូភាគីវិវាទ ។
  •  តំណាង និងការពារអតិថិជនក្នុងដំណើរការរបស់ក្រុមប្រឹក្សាអាជ្ញាកណ្តាល ទាក់ទងនឹងវិវាទការងារ ។

 

រៀបចំតាក់តែងលិខិតស្នាមគតិយុត្តិ និងធ្វើសក្ខីកម្មលើលិខិតស្នាមផ្សេងៗ

  • ប្រឹក្សាយោបល់ និងរៀបចំតាក់តែងកិច្ចសន្យាគ្រប់ប្រភេទ និងគ្រប់ទម្រង់ ស្របតាមតម្រូវការរបស់អតិថិជន រួមទាំងចុះហត្ថលេខា និងប្រថាប់ត្រា ធ្វើជាសាក្សីលើកិច្ចសន្យា ។
  • ប្រឹក្សាយោបល់ និងរៀបចំពាក្យបណ្តឹងនានា ស្របតាមអង្គហេតុ និងតាមការទាមទាររបស់កូនក្តី ។
  • រៀបចំតាក់តែងកិច្ចព្រមព្រៀង លក្ខន្តិកៈក្រុមហ៊ុន និងឯកសារផ្សេងៗទៀត តាមតម្រូវការរបស់អតិថិជន ។
  • ចុះហត្ថលេខា និងប្រថាប់ត្រា បញ្ជាក់លើឯកសារផ្សេងៗ អនុលោមតាមច្បាប់ ។ 

សេវាច្បាប់លើវិវាទក្នុងនីតិវិធីតុលាការ

  • ធ្វើជាមេធាវីតំណាងដោយអាណត្តិអោយអតិថិជន (កូនក្តី) ក្នុងរឿងក្តីរដ្ឋប្បវេណី រួមមាន បណ្តឹងអង្គសេចក្តី បណ្តឹងរក្សាការពារ បណ្តឹងអនុវត្តដោយបង្ខំ បណ្តឹងឋានៈបុគ្គល បណ្តឹងមិនមែនបណ្តឹង និងពាក្យសុំ ។ល។ នៅគ្រប់ដំណាក់កាលនៃនីតិវិធីរបស់សាលាដំបូង សាលាឧទ្ធរណ៍ និងតុលាការកំពូល ។ ធ្វើជាអ្នកតំណាង និងការពារសិទ្ធិឲ្យដើមបណ្តឹងរដ្ឋប្បវេណីក្នុងសំណុំរឿងព្រហ្មទណ្ឌ ។
  • ធ្វើជាមេធាវីការពារសិទ្ធិ (កូនក្តី) ក្នុងរឿងក្តីព្រហ្មទណ្ឌក្នុងគ្រប់ដំណាក់កាលនៃការស៊ើបអង្កេតបឋម ដំណាក់កាលចោទប្រកាន់ (អយ្យការ) ស៊ើបសួរ និងជំនុំជម្រះក្តី ។ ការការពារសិទ្ធិនេះ ក៏នឹងធ្វើនៅគ្រប់សាលាជម្រះក្តី រួមមានសាលាដំបូង សាលាឧទ្ធរណ៍ និងតុលាការកំពូល ។ 

ការពារកូនក្តីចំពោះមុខក្រុមប្រឹក្សាវិន័យ

  • ធ្វើជាអ្នកការពារក្តី និងសិទ្ធិរបស់កូនក្តីចំពោះមុខក្រុមប្រឹក្សាវិន័យរបស់ស្ថាប័នសាធារណៈ ឯកជន ឬ ក្នុងក្របខណ្ឌវិជ្ជាជីវៈ ស្របតាមច្បាប់ និងលិខិតបទដ្ឋានគតិយុត្តិដែលមានចែង ។

សេវាច្បាប់ប្រចាំក្រុមហ៊ុន

  • ធ្វើជាមេធាវីតំណាង និងប្រឹក្សាយោបល់ប្រចាំក្រុមហ៊ុន ។ មេធាវីតំណាងក្រុមហ៊ុន និងការ ពារផលប្រយោជន៍ក្រុមហ៊ុននៅគ្រប់កាលៈទេសៈទាំងអស់ ស្របតាមច្បាប់ជាធរមាន ។
  • តំណាងអោយក្រុមហ៊ុន ចូលរួមពិភាក្សា និងចរចា គ្រប់ការងារពាក់ព័ន្ធដែលក្រុមហ៊ុនបានស្នើសុំ និងចាត់តាំង ។
  • ផ្តល់ការប្រឹក្សា និងសម្របសម្រួលផ្នែកច្បាប់ជាប្រចាំ ដល់រាល់ប្រតិបត្តិការរបស់ក្រុមហ៊ុន។
  • បំពេញតួនាទីជា “អភិបាលឯករាជ្យ” ដែលត្រូវបានចាត់តាំងដោយក្រុមហ៊ុន ឬ ស្ថាប័នមានសមត្ថកិច្ច ។

សេវាកម្មពាក់ព័ន្ធ៖

សេវាប្រឹក្សាយោបល់គម្រោងវិនិយោគ

  • ប្រឹក្សាយោបល់លើគម្រោងវិនិយោគដែលមានសក្តានុពលក្នុងប្រទេសកម្ពុជា ។
  • ប្រឹក្សាលើគម្រោងវិនិយោគផ្នែកអចលនទ្រព្យ និងគម្រោងពាក់ព័ន្ធ ។
  • វិភាគ និងតម្រង់ទិសសម្រាប់គម្រោងវិនិយោគនានា ។
  • ការរៀបចំផែនការយុទ្ធសាស្រ្ត និងផែនការវិនិយោគ ។
  • រៀបចំ និងសម្របសម្រួលការចុះបញ្ជីគម្រោង ឬ ក្រុមហ៊ុនវិនិយោគ តាមស្ថាប័នពាក់ព័ន្ធ។

 

ចុះបញ្ជីក្រុមហ៊ុន អង្គការ សមាគម

  • រៀបចំឯកសារ និងសម្របសម្រួលដំណើរការចុះបញ្ជីបើកក្រុមហ៊ុន អង្គការ សមាគម នៅតាម ស្ថាប័នមានសមត្ថកិច្ច ដូចជា ក្រសួងពាណិជ្ជកម្ម ក្រុមប្រឹក្សាអភិវឌ្ឍន៍កម្ពុជា ក្រសួងមហាផ្ទៃ ក្រសួងការបរទេស និងសហប្រតិបត្តិការអន្តរជាតិ ជាដើម ។
  • រៀបចំឯកសារ និងសម្របសម្រួលដំណើរការកែប្រែ និងផ្លាស់ប្តូរលក្ខន្តិកៈក្រុមហ៊ុន អង្គការ សមាគមនៅគ្រប់ស្ថាប័នពាក់ព័ន្ធ ។
  • រៀបចំឯកសារ និងសម្របសម្រួលដំណើរការបិទបញ្ជី ជម្រះបញ្ជីបិទក្រុមហ៊ុន អង្គការ សមាគម ។
  • រៀបចំឯកសារ និងសម្របសម្រួលដំណើរការស្នើសុំអាជ្ញាប័ណ្ណសម្រាប់អាជីវកម្មផ្សេងៗ ។

 

ផ្នែកពន្ធ

  • ប្រឹក្សាយោបល់ និងរៀបចំឯកសារពាក់ព័ន្ធនឹងផ្នែកពន្ធ ការបង់ពន្ធ (ពន្ធប្រចាំខែ ប្រចាំឆ្នាំ)របស់ក្រុមហ៊ុន អង្គការ សមាគម ផ្សេងៗ ។
  • រៀបចំឯកសារ និងសម្របសម្រួលដំណើរការធ្វើប៉ាតង់ប្រចាំឆ្នាំរបស់ក្រុមហ៊ុន ។
  • ផ្តល់ការបណ្តុះបណ្តាល និងបង្ហាត់បង្ហាញដល់បុគ្គលិកក្រុមហ៊ុន អង្គការ សមាគម លើជំនាញពន្ធ ។

 

ផ្នែកគណនេយ្យ និងហិរញ្ញវត្ថុ

  • ប្រឹក្សាយោបល់សម្រាប់រៀបចំប្រព័ន្ធគណនេយ្យ និងហិរញ្ញវត្ថុរបស់ក្រុមហ៊ុន អង្គការ សមាគម ។
  • ទទួលរៀបចំប្រព័ន្ធគ្រប់គ្រងគណនេយ្យ និងហិរញ្ញវត្ថុ រួមទាំងឯកសារពាក់ព័ន្ធ ជាលក្ខណៈស្តង់ដារសម្រាប់ក្រុមហ៊ុន អង្គការ សមាគម ។
  • ទទួលរៀបចំរបាយការណ៍ហិរញ្ញវត្ថុផ្ទៃក្នុងប្រចាំខែ ប្រចាំឆ្នាំរបស់ក្រុមហ៊ុន អង្គការសមាគម

 

ប្រឹក្សាលើការស្នើសុំចូលសញ្ជាតិខ្មែរ

  • ប្រឹក្សាយោបល់ស្តីពីលក្ខខណ្ឌ និងលក្ខណៈសម្បត្តិសម្រាប់ស្នើសុំចូលសញ្ជាតិខែ្មរ តាម រយៈសញ្ជាតិតូបនីយកម្ម ។
  • រៀបចំឯកសារស្នើសុំចូលសញ្ជាតិខ្មែររបស់ជនបរទេស តាមរយៈសញ្ជាតិតូបនីយកម្ម ស្របតាមច្បាប់ ស្តីពី សញ្ជាតិ នៃព្រះរាជាណាចក្រកម្ពុជា ។

 

ចុះបញ្ជីកម្មសិទ្ធិលើអចលនទ្រព្យ

  • រៀបចំឯកសារតាមនីតិវិធីច្បាប់ ក្នុងការចុះបញ្ជីកម្មសិទ្ធិលើអចលនទ្រព្យ ។
  • រៀបចំឯកសារតាមនីតិវិធីច្បាប់ ក្នុងការចុះបញ្ជីផ្ទេរកម្មសិទ្ធិលើអចលនទ្រព្យ ។
  • រៀបចំឯកសារសម្រាប់ការបង់ពន្ធចុះបញ្ជីធ្វើ ឬផ្ទេរកម្មសិទ្ធិលើអចលនទ្រព្យ ។